OPTREDE WANNEER ALLE BEHANDELINGSPOGINGS MISLUK

Sommige middelafhanklikes oorwin verslawing deur by nasorgplanne te hou. Baie is egter onsuksesvol en sak al dieper weg in die dwelmkultuur, gewoonlik met ernstige gevolge soos haweloosheid, tronkstraf en die dood.
Redes waarom hulppogings misluk:

1.      Gebrek aan verantwoordelikheid: Die pasiënt weier om verantwoordelikheid te neem vir die veranderings wat gedoen moet word, hy bly oneerlik met homself en met ander, hy mislei, jok en manipuleer, motivering bly laag, strafmaatreëls is oneffektief, bv. huisarres, beheer en monitor alle bewegings, neem motor en voorregte weg, belet kontak met ou vriende.

2.      Gebrekkige samewerking tydens evaluering:  Bly in ontkenning, jok, wil nie terapeutiese verhouding bou nie, wil nie verander nie, het geen basis vir herstelplan nie, soek pille en kitsoplossing, gevoel van mislukking vererger, meer negatiwiteit, kritisering, blamering, wrywing, hopeloosheid, wanhoop, woede, frustrasie, ens.

3.      Geen herstelplan: Weier om `n herstelplan op te stel en toe te pas.

4.      Nie-nakoming van herstelplan: Stel wel `n plan op maar begin verskonings soek om take uit te voer, begin uitsonderings maak, ander afsprake word belangriker as herstelplan, hou  nie by beplanning vir vakansiedae, geleenthede, Kersfees en Nuwejaar, beplan nie vir siekte of afwesigheid van mentors en professionele persone nie.

5.      Dubbele diagnose:  Laat doen volledige evaluering deur gekwalifiseerde professionele persone, kry behandeling vir verslawing en psigiatriese siekte tegelykertyd.

6.      Gesinsverhoudings: Gesinslede moet ook verander en ophou om pasiënt in `n gemaksone te hou waar middelgebruik maklik is.

Tipiese rolle van gesinslede:

Ø  Redder, verpleegster, moeder: Doen alles vir pasiënt, maak afsprake, reël opname in sentrum, skakel na buite, betaal skuld en borg, vervang gesteelde items, weier om klag van diefstal te lê, bewaar geheime rondom dwelms, voorsien geld, word mede-afhanklik sonder om self middels te gebruik, word slagoffer van dwelms, voel hulpeloos.

Ø  Vervolger, polisieman, vader: Neem herstelplan oor en beheer alles, hy is streng, kwaad, veroordelend, dreigend, vyandig, bestraffend, blamerend, kritiserend; pasiënt se reaksie is erger leuens, bedrog en manipulasie, geen respek vir gesag.

Ø  Pasiënt of slagoffer: Blameer ander, pasiënt is onskuldige sieke, hulpeloos, afhanklik, sonder sterkpunte en vaardighede, onbekwaam, soek redders en vervolgers om rol van slagoffer te bevestig.

Herstelplan:

Elke pasiënt moet `n persoonlike herstelplan hê wat met die hulp van die gesin, berader, mentor of  nasorg-groep soos CAD opgestel en uitgevoer word. Die volgende is `n voorbeeld van `n herstelplan:

Medies: Besoek dokter Maandae om 1000 vir 2 maande vir ondersoek en toetsing, daarna twee-weekliks vir 2 maande, daarna maandeliks vir 12 maande. Gebruik medikasie onder toesig van gesin soos voorgeskryf. Vermy alle verslawende middels en medikasie.

Psigiatries: Besoek psigiater maandeliks vir 12 maande, rapporteer elke selfmoordgedagte dadelik aan psigiater, gaan dadelik na Noodeenheid in geval van selfmoordpoging of -dreigement.

Emosioneel: Woon weeklikse psigo-terapeutiese sessies by vir 1 jaar of langer indien nodig.

Sosiaal: Woon nasorggroepe 3 aande per week by, beplan en noteer bywoning in dagboek, sluit aan by kerkaksie, vermy alle kroeë, maak geen kontak met vorige vriende, gereelde toetsing by die werk, drink Antebuse onder toesig, sosialiseer met CAD-vriende en ander betroubare mense.

Ander aksies:

Ø  Geen leuens, diefstal, manipulering, geheime

Ø  Bel mentor 2 keer per week

Ø  Woon kerkdienste en ander aksies by

Ø  Neem gesinslid of CAD-vriend saam na afsprake

Ø  Mediteer 20 minute per dag

Ø  Lees 1 hoofstuk in `n geestelike boek per dag

Ø  Hou dagboek van waarskuwingstekens, hoë-risiko situasies, snellers, hunkering

Ø  Doen daaglikse oefenprogram

Ø  Eet gesonde kos

Ø  Bel dadelik alle betrokkenes in geval van `n glips of terugval.

Verdere ingryping:

Ø  Woon ander steungroepe by, elke dag indien nodig

Ø  Netwerk daagliks met gesinslede en nuwe vriende

Ø  Ontvang kognitiewe gedragsterapie om nuwe vaardighede aan te leer

Ø  Ontvang gesinsterapie waarby alle gesinslede betrokke is

Ø  Doen skadevermindering totdat pasiënt gereed is om op te hou gebruik

Ø  Kry hofbevel vir kommittering as alle pogings misluk het

Ø  Waak teen onbeproefde, alternatiewe behandeling of towerformule

Ø  Hersien eerder alle stappe en herstelplan

Ø   Laat weer volledige assessering vir psigiatriese siektes doen

Ø  Herstel abnormale gesinsverhoudings

Ø  Intensifiseer nasorg en ondersteuning.

 Kobus Pienaar

CAD ORGANISEERDER      Tel.  021 930 4472/  939 2033/   079 4343 194

Bronne:

Barnard, A. 1994. Wie is dit wat onnodig seerkry?

Hitzeroth, V. en Kramer, L. 2010. Die einde van verslawing.